Euse Wunsch

Mer reised gärn. Das isch allsiits bekannt.

Mer händ gmeinsam scho vieli schöni Egge vo dere Wält dörfe bereise. De nahi Oste, id Wüeschti vom Oman, Inselfeeling in Santorini, Schneegestöber im Norde vo Schwede, en chüeli Briise ide Schwiizer Berge, heissi Summertäg am Meer oder am See, Wandere ide Bärge, und no vieles mehr. Die Wält isch eifach so gross, dass mer vom Reise eifach nie gnueg bechömed. Zwiifelsohni hed das au mit de Delia ihrere bruefliche Vergangeheit als Stewardess ztue. Au de Roger isch scho immer es Reisefüdli gsi und hed scho vieli Plätzli gseh uf dere Wält. Nume logisch, dass die Gmeinsamkeit eus no änger zämegschweist hed. Mer schätzed schöni Sache, guets Ässe uf eusne Reise.

Wo gahts hii?

Mier mached en Australie Rundreis. Wie das genau im Detail sell usgseh simmer noni so 100% sicher. Mer sind eher uf de spontane Siite unterwägs. Was aber klar isch sind folgendi Fakte.

  • Mer Flüged uf Sydney
  • Mer möchtet Sydney entdecke
  • Miteme Van möchted mier d'Ostküste uskundschafte
  • Ade Ostküste gömmer go Surfe, Sache go aaluege und go Schnorchle
  • Mer gönd überall schön go Bädele und eus go en schöni Farb hole
  • Hie und da bruchts es Boot zum neumed andecho
  • und und und...